ഭാ​ഗം 1: ആരോഹണം (98)

91. ക്രിസ്തീയ കുടുംബം

769. സാർവ്വത്രിക വിശുദ്ധീകരണത്തിനുവേണ്ടി ഫലപ്രദമായി ജോലിചെയ്യാൻ, വിശുദ്ധരുടെ ദാസൻ, താൻ അധിവസിക്കുന്ന ഇടവകയിലെ എല്ലാ ഭവനങ്ങളും ഈശോ, മറിയം, യൗസേപ്പിന്റെ തിരുക്കുടുംബത്തിന്റെ സത്യമായ ഛായയും സാദൃശ്യവും വിശുദ്ധർക്കായുള്ള ചെറിയ സെമിനരികളുമായിത്തീരത്തക്ക വിധം അവയെ സന്യാസ ആദർശത്തിലേക്ക് പാകപ്പെടുത്തുന്നു.

770. ഈ ലക്ഷ്യത്തിനായി വിവാഹജീവിതത്തിന്റെ വിശുദ്ധിയെക്കുറിച്ചുള്ള അവബോധം പ്രചരിപ്പിക്കാനും ആഴപ്പെടുത്താനുമായി വചനശുശ്രൂഷയിൽ ദാസൻ പ്രയത്നിക്കും. ആ മഹാകൂദാശ നിമിത്തം വിവാഹജീവിതത്തിന്റെ എല്ലാ കടമകളും അതിസ്വാഭാവിക തലത്തിലേക്കുയർത്തപ്പെടുകയും തങ്ങളുടെ വിവാഹബന്ധം ജീവിക്കുകയും തങ്ങളുടെ കർത്തവ്യങ്ങൾ നിറവേറ്റുകയും ചെയ്യുമ്പോൾ വധൂവരന്മാരെ വിശുദ്ധീകരിക്കുകയും ചെയ്യുന്നു.

771. അതുകൊണ്ട്, മനഃസമ്മത കാലഘട്ടത്തെ സന്യസ്തരുടെ നവസന്യാസം പോലെയും വിവാഹവാഗ്ദാനത്തെ സന്യാസ വ്രതവാഗ്ദാനം പോലെയും വിവാഹ ശയ്യയെ സന്യാസ ഭവനം പോലെയും വിവാഹ ജീവിതത്തെ സത്യമായ സന്യാസ ദൗത്യം പോലെയും നോക്കിക്കാണാനും അപ്രകാരം പെരുമാറാനും യുവാക്കളെ പഠിപ്പിക്കുകയും പരിശീലിപ്പിക്കുകയും വേണം.

772. സദാ ഇടവക വികാരിക്കൊപ്പവും അദ്ദേഹത്തിന്റെ നാമത്തിലും യുവ ക്രൈസ്തവരെ അവരുടെ സ്വന്തം കുടുംബ സന്യാസ നിയമങ്ങളെ, വിവാഹത്തിനു മുമ്പവ സ്ഥാപിക്കാനും വിവാഹശേഷം സന്യാസാനുസരണത്തിൻ കീഴിൽ പരസ്പരം ഏറ്റുപറയാനും പ്രാർത്ഥനയുടെയും ജോലിയുടെയും പ്രായശ്ചിത്തത്തിന്റെയും ഒരു സമൂഹ ജീവിതം പങ്കുവയ്ക്കാനും അയാൾ അവരെ നയിക്കും.

773. വിവാഹിതരായ യുവ ദമ്പതികളുടെ സന്യാസ ജീവിതം അവരുടെ ഭവനങ്ങളിൽ തിരുഹൃദയത്തിന്റെ സിംഹാസനാരോഹണത്തോടു കൂടെ അയാൾ പ്രവർത്തിപ്പിച്ചു തുടങ്ങും. ദേവാലയത്തെയും അതിന്റെ ശുശ്രൂഷകളുടെയും മാതൃകയിലുള്ളതും ഒരു ക്രൈസ്തവ ജീവിതത്താലും കുടുംബ പ്രേഷിതത്വത്താലും തിരുസ്സഭയുമായുള്ള യേശുവിന്റെ മനുഷ്യത്വവുമായുള്ള ദൈവൈക്യവും സ്നേഹവും അവർ ആദരിക്കുകയും ചെയ്യുന്ന ഒരു ചെറിയ വിശുദ്ധ സ്ഥലമായി, കുടുംബത്തെ മാറ്റുന്നതിൽ അവരെ നയിക്കുകയും ചെയ്യുന്നു.

774. ഓരോ വ്യക്തിഗത കുടുംബത്തിനും ദൈവരാജ്യത്തിന്റെ വരവിനും വേണ്ടി രാഷ്ട്രപരവും സന്യാസപരവുമായ അധികാരത്തോടുള്ള സത്യമായ സന്യാസഭക്തിയുടെയും മാതാപിതാക്കളുടെ അധികാരവും കുടുംബനിയമങ്ങളും തുടങ്ങി രാജ്യത്തിന്റെയും അതുപോലെത്തന്നെ തിരുസ്സഭയുടെയും സകല നിയമങ്ങളോടുമുള്ള സത്യമായ സന്യാസ ഭക്തിയുടെയും ഒരപ്പസ്തോലനായി വിശുദ്ധരുടെ ദാസൻ പ്രത്യേകമായ വിധത്തിൽ മാറേണ്ടതുണ്ട്.

775. പുരുഷന്മാരെ കേന്ദ്രീകരിച്ചുകൊണ്ട്, വിശുദ്ധരുടെ ദാസൻ വിവാഹിതരായ ദമ്പതികളെ അവർ ദൈവത്തെ മഹത്വപ്പെടുത്തേണ്ട പുതു ക്രിസ്ത്യാനികളുടെയും കുട്ടികളുടെയും പരിശീലനത്തിൽ നയിക്കും. കുട്ടികൾ സാധിക്കുന്നത്ര നേരത്തെ ജ്ഞാനസ്നാനം സ്വീകരിക്കുകയും നല്ല സന്യാസ വസ്ത്രങ്ങളോടുകൂടെ ഈ കൃപാവരം സംരക്ഷിക്കുകയും ചെയ്യും. അതിനുശേഷം അവരുടെ കുട്ടികൾക്കായി യേശുവിന്റെ ശൈശവത്തോടുള്ള പ്രത്യേക ഭക്തി അയാൾ ശുപാർശ ചെയ്യും.

776. അതുപോലെ, ഭർത്താവിനെ സദാ കേന്ദ്രീകരിച്ചുകൊണ്ട്, ദമ്പതികളെ, അവരുടെ കൗമാരക്കാരും, തുടർച്ചയായ ദിവ്യകാരുണ്യ-അപ്പസ്തോലിക പരിശീലനങ്ങളിലൂടെ പുരോഗമിക്കുന്ന സൈ്ഥര്യലേപനമെന്ന കൂദാശയുടെ കൃപാവരം വഴിയായി സമ്പൂർണ്ണ, സമരോന്മുഖ ക്രൈസ്തവരായി പരിശീലിപ്പിക്കുന്ന അപ്പസ്തോലിക പ്രവൃത്തിയിൽ അയാൾ സഹായിക്കും. യുവാവായ യേശുവിനോടുള്ള പ്രത്യേക ഭക്തി അയാൾ ശുപാർശ ചെയ്യും.

777. ഈ കാലയളവിലെല്ലാം, ഓരോ ക്രിസ്തീയ കുടുംബത്തെയും കൂടുതൽ സമ്പൂർണ്ണമായ ജീവിതാന്തസ്സിലേക്കുള്ള തങ്ങളുടെ മക്കളുടെ ദൈവവിളികളെ സ്വാഗതം ചെയ്യാൻ വിശുദ്ധരുടെ ദാസൻ ഒരുക്കും. പൗരോഹിത്യത്തിലേക്കും സന്യാസ ജീവിതത്തിലേക്കും തിരഞ്ഞെടുക്കപ്പെട്ടവരുടെ സംഖ്യ തിരുസ്സഭയ്ക്കുവേണ്ടി വർദ്ധിപ്പിക്കുന്നതിനായി അവരെ ഒരുക്കുകയും അപ്രകാരം പരിശുദ്ധ കത്തോലിക്കാ സഭയുടെ ജീവിതം തങ്ങളുടെ ഇടവകയിൽ ജീവിക്കുന്ന പുതിയ സന്യാസ ഭവനങ്ങളുടെയും പുതിയ ക്രിസ്തീയ കുടുംബങ്ങളുടെയും തുടക്കമായി മാറുകയും ചെയ്യും.

778. മറ്റുള്ള കർത്തവ്യങ്ങൾക്കിടയിൽ വിശുദ്ധരുടെ ദാസൻ ഇടവകയിലെ ഭക്ത സംഘടനകളെ കുടുംബങ്ങളുടെ വിശുദ്ധി പരിരക്ഷിക്കുന്നതിനായി വിനിയോഗിക്കും. ദൈവികമായി ലളിതവും ആരോഗ്യകരവുമായ ആ സ്ഥാപനത്തിന്റെ സ്വാഭാവികവും അതിസ്വാഭാവികവുമായ ഐക്യം സുദൃഢമാക്കാൻ അയാൾ സ്വയം ശ്രമിക്കും.