ഭാ​ഗം 1: ആരോഹണം (81)

74. ദൈവിക പ്രചോദനങ്ങൾക്കുള്ള മാനദണ്ഡങ്ങൾ

625. നമ്മുടെ കർത്തവ്യങ്ങൾ പൂർത്തീകരിക്കാനും അവ പൂർണ്ണതയോടെ (വീരോചിതമായ പൂർണ്ണതയെങ്കിലും, പക്ഷേ ആന്തരിക പൂർണ്ണത മാത്രം) നിർവ്വഹിക്കാനും പ്രചോദനങ്ങൾ നമ്മെ ഓർമ്മിപ്പിക്കുകയും നിർബന്ധിക്കുകയും ചെയ്യുമ്പോൾ, ശങ്കകൂടാതെ നാമവ അനുഷ്ഠിക്കണം.

626. പ്രചോദനങ്ങൾ, ആന്തരികമോ ബാഹ്യമോ ആയ, ഉദാരവും എന്നാൽ സാധാരണവുമായ (മറ്റ് യാതൊരു കടമയ്ക്കും വിഘാതം സൃഷ്ടിക്കാത്ത) പുണ്യ പ്രവൃത്തികൾ നമ്മെ അനുസ്മരിപ്പിക്കുകയും അവയ്ക്കു പ്രേരിപ്പിക്കുകയും ചെയ്യുമ്പോൾ, ശങ്ക കൂടാതെ നാമവ അനുഷ്ഠിക്കണം.

627. ബാഹ്യവും അസാധാരണവും അതിസാധാരണവുമായ പുണ്യപ്രവൃത്തികൾ അവ പ്രബോധിപ്പിക്കുമ്പോൾ, നാം അവ സ്വീകരിക്കണം, പക്ഷേ അവയെക്കുറിച്ചുള്ള ആദ്ധ്യാത്മികോപദേശം സ്വീകരിക്കുന്നതുവരെയും അവയുടെ നിർവ്വഹണം നാം നീട്ടിവയ്ക്കണം.

628. ഏതെങ്കിലും പുണ്യത്തിലുള്ള ചെറിയ അപൂർണ്ണത പോലുമായ പ്രവൃത്തികൾ അവ നമ്മെ ഉദ്ബോധിപ്പിക്കുമ്പോൾ, ഉദാഹരണത്തിന് അവ മാർഗതടസ്സം സൃഷ്ടിക്കുന്നവയോ കോപമുളവാക്കുന്നവയോ നമ്മുടെ കടമകൾക്ക്, സൗകര്യപ്രദമായ ഒരു കടമയാണെങ്കിൽ പോലും, ഏതെങ്കിലും തരത്തിൽ യോജിച്ചതല്ലെങ്കിൽ, നാമവ അനുഷ്ഠിക്കരുത്.

629 ആരെയെങ്കിലും ഏതെങ്കിലും തരത്തിൽ അസൗകര്യപ്പെടുത്തുകയോ ദുഃഖിപ്പിക്കുകയോ ചെയ്തേക്കാവുന്നതോ അഥവാ നമ്മുടെ അഹന്തയെയും സുഖലോലുപതയെയും ഏതെങ്കിലും വിധത്തിൽ വളർത്തുന്നതോ ആയ പ്രവർത്തനങ്ങൾ അവ നമ്മിൽ പ്രബോധിപ്പിക്കുമ്പോൾ, നാമവ അനുഷ്ഠിക്കരുത്.

630. മനസ്സിന്റെ ആശയക്കുഴപ്പവും ഇച്ഛാശക്തിയുടെ നിരുത്സാഹവും പ്രവർത്തനത്തിൽ മന്ദതയും നമ്മുടെ അയല്ക്കാരനോട് നീരസവും ദേഷ്യവും ദൈവത്തെക്കുറിച്ച് നിസ്സംഗതയും സംശയവും ഉളവാക്കുമ്പോൾ നാമവ മേലധികാരികൾക്കു മുമ്പാകെ തള്ളിപ്പറയണം.

631. ആന്തരികമായവയേക്കാൾ ബാഹ്യമായവയിലേക്കും ഗുണത്തേക്കാൾ എണ്ണത്തിലേയ്ക്കും വിവേകത്തിലേക്കെന്നതിനേക്കാൾ തിടുക്കത്തിലേക്കും നമ്മുടെ ആന്തരിക ലോകത്തിൽ ഏകത്വത്തിലേക്കെന്നതിനേക്കാൾ നാനാത്വത്തിലേക്കും മേലധികാരികളുടെയടുത്ത് തുറവിയേക്കാൾ മറച്ചുവയ്ക്കുന്നതിലേയ്ക്കും ദൈവത്തിന്റെയടുത്ത് സ്നേഹത്തേക്കാൾ ഭയത്തിലേയ്ക്കും അവ നമ്മെ പതിവായി നയിക്കുമ്പോൾ, അവ ആദ്ധ്യാത്മിക നിയന്താവിന്റെയടുത്ത് തള്ളിപ്പറയണം.

Comments

Post a Comment

Popular posts from this blog

1 മുഖക്കുറിപ്പ്

Image
വിശുദ്ധ ജസ്റ്റിൻ റുസ്സൊളില്ലോയുടെ സമ്പൂർണ്ണ കൃതികൾ 2004 മുതൽ ഇറ്റാലിയൻ ഭാഷയിലും ഇം​ഗ്ലീഷ് ഭാഷയിലുമായി പ്രസിദ്ധീകരിച്ചുവരുന്ന വി. ജസ്റ്റിൻ റുസ്സൊളില്ലോയുടെ കൃതികളുടെ മലയാളം പരിഭാഷയാണ് ഇവിടെ ചേർത്തിരിക്കുന്നത്. ഇറ്റാലിയൻ ഭാഷയിൽ Opera Omnia എന്നും ഇം​ഗ്ലീഷ് വിവർത്തനത്തിൽ Works എന്നുമാണ് ഈ സമാഹാരത്തിന്റെ പേര്. ഇരുപതു വർഷങ്ങൾക്കിപ്പുറം പല വാല്യങ്ങളായി ഇതിനകം 28 ​ഗ്രന്ഥങ്ങൾ പ്രസിദ്ധീകൃതമായിട്ടുണ്ട്. 2025-ൽ പ്രസിദ്ധീകൃതമായ ഇരുപത്തിയെട്ടാം വാല്യമാണ് ഈ ശ്രേണിയിൽ അവസാനത്തേത്. ഈ സദുദ്യമം ഏറ്റെടുത്ത് വിശ്വസ്തതാപൂർവ്വം ഇക്കാലമത്രയും അശ്രാന്തപരിശ്രമം നടത്തിവരുന്ന ആരാധ്യനായ ഫാ. ലൂയിസ് കപ്പൂത്തോയെ കൃതജ്ഞതാപൂർവ്വം ഇത്തരുണത്തിൽ അനുസ്മരിക്കുന്നു. ഈ ശ്രേണിയിലുള്ള ​ഗ്രന്ഥങ്ങളുടെ പേരുകൾ ചുവടെ ചേർത്തിരിക്കുന്നു: 1. ആരോഹണം (Ascension) 2. പ്രാർത്ഥനാരൂപി (Spirit of Prayer) 3. നമുക്ക് മനുഷ്യനെ സൃഷ്ടിക്കാം - ഭാ​ഗം 1 (Let Us Make Man - Part I) 4. നമുക്ക് മനുഷ്യനെ സൃഷ്ടിക്കാം - ഭാ​ഗം 2 (Let Us Make Man - Part II) 5. മാനസിക പ്രാർത്ഥനയ്ക്ക് (For Mental Prayer) 6. വ‍ചന ശുശ്രൂഷ (Ministry of the Word) 7. പ്രഭാഷണങ്ങൾ (Le...
Read more

ഭാ​ഗം 1: ആരോഹണം (011)

4. ഉന്നതത്തിൽ നിന്നുള്ള സഹായം 31. ദൈവമാതാവായ പരിശുദ്ധ കന്യകാമറിയത്തിന്റെ സ്വർഗ്ഗീയ സംരക്ഷണത്തിനും മാതൃസഹജമായ കരുതലിനും വി. യൗസേപ്പിനും ഞാൻ പൂർണ്ണമായി ഭരമേല്പിക്കപ്പെടും. ഞാൻ അംഗമാകാൻ ആഗ്രഹിക്കുന്ന കുടുംബവും ഞാൻ പ്രവേശിക്കാനാഗ്രഹിക്കുന്ന രാജ്യവും അവരുടേതാണ്. എന്റെ ആന്തരിക ജീവിതത്തിൽ, ദൈവസിംഹാസനത്തിങ്കൽ ശുശ്രൂഷ ചെയ്യുന്ന ഏഴ് മാലാഖമാരുമായി ഞാൻ പ്രത്യേകമാംവിധം സ്വയം എെക്യപ്പെടുത്തും. 32. ദൈവസ്നേഹത്തിന്റെ മാതാവായ പരിശുദ്ധ കന്യകയെ, വി. ലൂയി മറി ദെ മോൺഫോർട്ടിന്റെ ഭക്തിയോടുകൂടെ, "ദൈവവിളികളുടെ നാഥ'', സകല കൃപാവരങ്ങളുടെയും മദ്ധ്യസ്ഥ, സകല വിശുദ്ധരുടെയും രാജ്ഞി, എന്ന സംജ്ഞയോടുകൂടെ, അവളോടുള്ള സ്വകാര്യമായ എല്ലാ ഭക്തകൃത്യങ്ങളിലും എല്ലായ്പ്പോഴും അഭേദ്യമായി വി. യൗസേപ്പിനെ സംയോജിപ്പിച്ചുകൊണ്ട്, ഞാൻ വണങ്ങും. 33. എന്റെ മദ്ധ്യസ്ഥ വിശുദ്ധർക്കു പുറമെ, എന്റെ സ്വകാര്യ ഭക്തകൃത്യങ്ങളിൽ, വ്യത്യസ്ഥ വിഭാഗങ്ങളിൽപ്പെടുന്ന വിജയസഭയിലെ എല്ലാ വിശുദ്ധരെയും, സവിശേഷമായി പരിശുദ്ധ പ്രവാചകന്മാർ, അപ്പസ്തോലന്മാർ, സഭാപിതാക്കന്മാർ, വേദപാരംഗതന്മാർ, പരിശുദ്ധ മാർപ്പാപ്പമാർ, സഭാസ്ഥാപകർ എന്നിവരെ ഞാൻ വണങ്ങും. തിരുസ്...
Read more

ഭാ​ഗം 1: ആരോഹണം (115)

107. പ്രധാന വീഥി 900. ഓരോ വൊക്കേഷനിസ്റ്റിനും, സവിശേഷമായി മോലധികാരികൾക്കും അദ്ധ്യാപകർക്കും മേധാവികൾക്കും, സാർവ്വത്രിക സഭാനിയമം, ആരാധനക്രമം, നമ്മുടെ നിയമാവലി, അനുഷ്ഠാനവിധി തുടങ്ങിയവയുടെ ഓരോ നിയമത്തെക്കുറിച്ചുമുള്ള ആഴമായ ഒരറിവുണ്ടായിരിക്കണം. അവയുടെ വാച്യാർത്ഥവും അതിൽക്കൂടുതലായി അവയുടെ അരൂപിയും അതുപോലെ അവയുടെ ചരിത്രവും മനഃശാസ്ത്രവും നിർവ്വഹണവും ഉൾക്കൊള്ളുന്നതായിരിക്കണം ഈ അറിവ്. 901. അവയെപ്പറ്റി സംസാരിക്കാനുള്ള അവസരങ്ങൾ അവർ കണ്ടെത്തുന്നതും അവയുടെ എണ്ണം വർദ്ധിപ്പിക്കുന്നതും പ്രധാനപ്പെട്ടതും അത്യാവശ്യവുമാണ്. അവർ അവയെക്കുറിച്ചു സംസാരിക്കുമ്പോൾ, വ്യക്തവും സമുന്നതവുമായ ആശയങ്ങളോടും പദങ്ങളോടും കൂടെ, വലിയ സ്നേഹത്തോടും ബഹുമാനത്തോടും കൂടെ, അവരുടെ വലിയ സ്നേഹവും അവ പാലിക്കാനുള്ള നിശ്ചയദാർഢ്യവും വാചികമായി പ്രകടിപ്പിച്ചുകൊണ്ടും, അതുപോലെ അവ പാലിക്കാൻ മറ്റുള്ളവരെ സഹായിച്ചുകൊണ്ടും അപ്രകാരം തീർത്തും പരിശുദ്ധമായ ഒരന്തരീക്ഷം സൃഷ്ടിച്ചുകൊണ്ടും വേണം അപ്രകാരം ചെയ്യാൻ. 902. മേലധികാരി, അദ്ദേഹം പ്രഥമ സ്ഥാനീയനായിരുന്നാലും ഏറ്റം എളിയവനായിരുന്നാലും, പരിശുദ്ധ പിതാവായിരുന്നാലും ഏറ്റം ചെറിയ പള്ളിയുടെ വികാരി...
Read more