ഭാ​ഗം 1: ആരോഹണം (57)

50. രോഗികളും അതിഥികളും

412. മടക്കിവച്ചാൽ ഒരു ഗൃഹോപകരണമായിത്തോന്നാവുന്ന തരത്തിലുള്ള ഒരു കട്ടിൽ വൊക്കേഷനിസ്റ്റുകൾ ഉപയോഗിക്കും. അപ്രകാരം, പകൽ സമയത്ത് നമ്മുടെ ഭവനങ്ങളിലൊന്നും കട്ടിൽ കാണപ്പെടുകയില്ല.

413. ഗൗരവകരമായ അസുഖമില്ലാത്തവർ കട്ടിലിൽ കിടക്കാതെ, പകരം ഒരു സ്വകാര്യ മുറിയിൽ ചാരുകസേരയോ മറ്റെന്തെങ്കിലും സൗകര്യപ്രദമായ കസേരയോ ഉപയോഗിച്ച് രോഗമുക്തി നേടാൻ പരിശ്രമിക്കും.

414. രോഗിയായ ഓരോ വ്യക്തിക്കും ആവശ്യത്തിനുണ്ടാകത്തക്കവിധം, എന്നാൽ രോഗാവസ്ഥയിലും രോഗമുക്തിക്കുവേണ്ടി മാത്രവും സദാ ശുചിത്വത്തിന്റെ മുൻകരുതലുകളോടു കൂടിയും മതിയായ എണ്ണം ചാരുകസേരകൾ ഓരോ ഭവനത്തിലും ഉണ്ടായിരിക്കണം.

415. രോഗിയായിരിക്കുന്ന ഓരോ വൈദികനും അനുദിനം ദിവ്യബലിയർപ്പിക്കാൻ സാധ്യമായ എല്ലാം നിർവ്വഹിക്കും. അദ്ദേഹത്തിന് ബലിയർപ്പണത്തിന് യഥാർത്ഥത്തിൽ സാധ്യമല്ലെങ്കിൽ, പരിശുദ്ധ ദിവ്യകാരുണ്യ സ്വീകരണത്തിനായി അദ്ദേഹം ആവശ്യപ്പെടുകയും സ്വീകരിക്കുകയും ചെയ്യും.

416. രോഗിയായ ഓരോ സന്യാസിയും, സാധ്യമെങ്കിൽ, അനുദിനം ദിവ്യകാരുണ്യ സ്വീകരണത്തിനായി ദേവാലയത്തിൽ പോകാൻ ശ്രമിക്കും. അതു സാധ്യമല്ലെങ്കിൽ, അദ്ദേഹം ഉണർന്ന് വസ്ത്രമണിഞ്ഞ്, തനിക്ക് ദിവ്യകാരുണ്യം കൊണ്ടുവരുമ്പോൾ മുട്ടുകുത്തുകയെങ്കിലും ചെയ്യും.

417. കിടക്ക വിട്ടുണരാൻ സാധ്യമല്ലെങ്കിൽ, വസ്ത്രമണിഞ്ഞ് കട്ടിലിൽ ഇരിക്കുകയും ദിവ്യകാരുണ്യ സ്വീകരണാനന്തരമുള്ള കൃതജ്ഞതാ പ്രകാശനത്തിനായി അപ്രകാരം തുടരുകയും ചെയ്യും.

418. ഓരോ ഡോർമിറ്ററിയുടെയും ഒരു മൂലയിൽ, വ്യക്തിപരവും സാമൂഹികവുമായ പ്രാർത്ഥനകൾക്കും രോഗികൾക്കായുള്ള കൂദാശകളുടെ അന്തസ്സുറ്റ പരികർമ്മത്തിനും പ്രത്യേകമായ ഒരു ചെറിയ അൾത്താര ഉണ്ടായിരിക്കണം.

419. രോഗിയായ ഓരോ വ്യക്തിയും, തന്റെ കടമകൾ പൂർത്തീകരിക്കുന്നതിനുവേണ്ടി രോഗത്തെ പ്രതിരോധിക്കുകയും സുഖംപ്രാപിക്കുകയും വേണം എന്നു പറയുമ്പോഴും, ഒരു താപസനായി കർത്താവിന്റെ ബലിയിലെ സവിശേഷ പങ്കാളിത്തത്തിനായി വിളിക്കപ്പെട്ട തന്റെ സന്യസ്തർക്കുള്ള സഹിക്കുന്ന - ആത്മാവായി അയാൾ സ്വയം കരുതണം.

420. സത്യമായ ക്രിസ്തീയ ഉപവിയുടെ സർവ്വ ആദരവോടും വാത്സ്യലത്തോടും കൂടെ സന്യസ്തർ രോഗികളെ വലയം ചെയ്യും. രോഗികളും ദരിദ്രരും ദൈവിക പരിഗണനകളുടെ പദാർത്ഥങ്ങളായതിനാൽ, കർത്താവിന്റെ ശരണവും ആനന്ദവും കൈമാറേണ്ട ഈ ആദരവും സഹോദരതുല്യമായ സ്നേഹവും അവർക്ക്അനുഭവവേദ്യമാകണം.

421. അപ്രകാരം, എല്ലാ സന്ദർശകരിലും അതിഥികളിലും, സർവ്വോപരി നവാഗതിരലും പ്രലോഭിതരിലും ആത്മീയമായി രോഗാതുരരോ അവശരോ ആയിരിക്കുന്നവരിലും ബഹുമാനവും സ്നേഹവും ചൊരിയുക. ആദ്യം അവരെ യേശുവിലേയ്ക്കു കൊണ്ടുവരാൻ പരിശ്രമിക്കുകയും തുടർന്ന് അവർക്കാവശ്യമായവ നൽകിക്കൊണ്ടും, അവർക്ക് ശാരീരികവും ആദ്ധ്യാത്മികവുമായ എന്തെങ്കിലും സാന്ത്വനം നാം സദാ നൽകണം.

Comments

Post a Comment

Popular posts from this blog

1 മുഖക്കുറിപ്പ്

Image
വിശുദ്ധ ജസ്റ്റിൻ റുസ്സൊളില്ലോയുടെ സമ്പൂർണ്ണ കൃതികൾ 2004 മുതൽ ഇറ്റാലിയൻ ഭാഷയിലും ഇം​ഗ്ലീഷ് ഭാഷയിലുമായി പ്രസിദ്ധീകരിച്ചുവരുന്ന വി. ജസ്റ്റിൻ റുസ്സൊളില്ലോയുടെ കൃതികളുടെ മലയാളം പരിഭാഷയാണ് ഇവിടെ ചേർത്തിരിക്കുന്നത്. ഇറ്റാലിയൻ ഭാഷയിൽ Opera Omnia എന്നും ഇം​ഗ്ലീഷ് വിവർത്തനത്തിൽ Works എന്നുമാണ് ഈ സമാഹാരത്തിന്റെ പേര്. ഇരുപതു വർഷങ്ങൾക്കിപ്പുറം പല വാല്യങ്ങളായി ഇതിനകം 28 ​ഗ്രന്ഥങ്ങൾ പ്രസിദ്ധീകൃതമായിട്ടുണ്ട്. 2025-ൽ പ്രസിദ്ധീകൃതമായ ഇരുപത്തിയെട്ടാം വാല്യമാണ് ഈ ശ്രേണിയിൽ അവസാനത്തേത്. ഈ സദുദ്യമം ഏറ്റെടുത്ത് വിശ്വസ്തതാപൂർവ്വം ഇക്കാലമത്രയും അശ്രാന്തപരിശ്രമം നടത്തിവരുന്ന ആരാധ്യനായ ഫാ. ലൂയിസ് കപ്പൂത്തോയെ കൃതജ്ഞതാപൂർവ്വം ഇത്തരുണത്തിൽ അനുസ്മരിക്കുന്നു. ഈ ശ്രേണിയിലുള്ള ​ഗ്രന്ഥങ്ങളുടെ പേരുകൾ ചുവടെ ചേർത്തിരിക്കുന്നു: 1. ആരോഹണം (Ascension) 2. പ്രാർത്ഥനാരൂപി (Spirit of Prayer) 3. നമുക്ക് മനുഷ്യനെ സൃഷ്ടിക്കാം - ഭാ​ഗം 1 (Let Us Make Man - Part I) 4. നമുക്ക് മനുഷ്യനെ സൃഷ്ടിക്കാം - ഭാ​ഗം 2 (Let Us Make Man - Part II) 5. മാനസിക പ്രാർത്ഥനയ്ക്ക് (For Mental Prayer) 6. വ‍ചന ശുശ്രൂഷ (Ministry of the Word) 7. പ്രഭാഷണങ്ങൾ (Le...
Read more

ഭാ​ഗം 1: ആരോഹണം (011)

4. ഉന്നതത്തിൽ നിന്നുള്ള സഹായം 31. ദൈവമാതാവായ പരിശുദ്ധ കന്യകാമറിയത്തിന്റെ സ്വർഗ്ഗീയ സംരക്ഷണത്തിനും മാതൃസഹജമായ കരുതലിനും വി. യൗസേപ്പിനും ഞാൻ പൂർണ്ണമായി ഭരമേല്പിക്കപ്പെടും. ഞാൻ അംഗമാകാൻ ആഗ്രഹിക്കുന്ന കുടുംബവും ഞാൻ പ്രവേശിക്കാനാഗ്രഹിക്കുന്ന രാജ്യവും അവരുടേതാണ്. എന്റെ ആന്തരിക ജീവിതത്തിൽ, ദൈവസിംഹാസനത്തിങ്കൽ ശുശ്രൂഷ ചെയ്യുന്ന ഏഴ് മാലാഖമാരുമായി ഞാൻ പ്രത്യേകമാംവിധം സ്വയം എെക്യപ്പെടുത്തും. 32. ദൈവസ്നേഹത്തിന്റെ മാതാവായ പരിശുദ്ധ കന്യകയെ, വി. ലൂയി മറി ദെ മോൺഫോർട്ടിന്റെ ഭക്തിയോടുകൂടെ, "ദൈവവിളികളുടെ നാഥ'', സകല കൃപാവരങ്ങളുടെയും മദ്ധ്യസ്ഥ, സകല വിശുദ്ധരുടെയും രാജ്ഞി, എന്ന സംജ്ഞയോടുകൂടെ, അവളോടുള്ള സ്വകാര്യമായ എല്ലാ ഭക്തകൃത്യങ്ങളിലും എല്ലായ്പ്പോഴും അഭേദ്യമായി വി. യൗസേപ്പിനെ സംയോജിപ്പിച്ചുകൊണ്ട്, ഞാൻ വണങ്ങും. 33. എന്റെ മദ്ധ്യസ്ഥ വിശുദ്ധർക്കു പുറമെ, എന്റെ സ്വകാര്യ ഭക്തകൃത്യങ്ങളിൽ, വ്യത്യസ്ഥ വിഭാഗങ്ങളിൽപ്പെടുന്ന വിജയസഭയിലെ എല്ലാ വിശുദ്ധരെയും, സവിശേഷമായി പരിശുദ്ധ പ്രവാചകന്മാർ, അപ്പസ്തോലന്മാർ, സഭാപിതാക്കന്മാർ, വേദപാരംഗതന്മാർ, പരിശുദ്ധ മാർപ്പാപ്പമാർ, സഭാസ്ഥാപകർ എന്നിവരെ ഞാൻ വണങ്ങും. തിരുസ്...
Read more

ഭാ​ഗം 1: ആരോഹണം (115)

107. പ്രധാന വീഥി 900. ഓരോ വൊക്കേഷനിസ്റ്റിനും, സവിശേഷമായി മോലധികാരികൾക്കും അദ്ധ്യാപകർക്കും മേധാവികൾക്കും, സാർവ്വത്രിക സഭാനിയമം, ആരാധനക്രമം, നമ്മുടെ നിയമാവലി, അനുഷ്ഠാനവിധി തുടങ്ങിയവയുടെ ഓരോ നിയമത്തെക്കുറിച്ചുമുള്ള ആഴമായ ഒരറിവുണ്ടായിരിക്കണം. അവയുടെ വാച്യാർത്ഥവും അതിൽക്കൂടുതലായി അവയുടെ അരൂപിയും അതുപോലെ അവയുടെ ചരിത്രവും മനഃശാസ്ത്രവും നിർവ്വഹണവും ഉൾക്കൊള്ളുന്നതായിരിക്കണം ഈ അറിവ്. 901. അവയെപ്പറ്റി സംസാരിക്കാനുള്ള അവസരങ്ങൾ അവർ കണ്ടെത്തുന്നതും അവയുടെ എണ്ണം വർദ്ധിപ്പിക്കുന്നതും പ്രധാനപ്പെട്ടതും അത്യാവശ്യവുമാണ്. അവർ അവയെക്കുറിച്ചു സംസാരിക്കുമ്പോൾ, വ്യക്തവും സമുന്നതവുമായ ആശയങ്ങളോടും പദങ്ങളോടും കൂടെ, വലിയ സ്നേഹത്തോടും ബഹുമാനത്തോടും കൂടെ, അവരുടെ വലിയ സ്നേഹവും അവ പാലിക്കാനുള്ള നിശ്ചയദാർഢ്യവും വാചികമായി പ്രകടിപ്പിച്ചുകൊണ്ടും, അതുപോലെ അവ പാലിക്കാൻ മറ്റുള്ളവരെ സഹായിച്ചുകൊണ്ടും അപ്രകാരം തീർത്തും പരിശുദ്ധമായ ഒരന്തരീക്ഷം സൃഷ്ടിച്ചുകൊണ്ടും വേണം അപ്രകാരം ചെയ്യാൻ. 902. മേലധികാരി, അദ്ദേഹം പ്രഥമ സ്ഥാനീയനായിരുന്നാലും ഏറ്റം എളിയവനായിരുന്നാലും, പരിശുദ്ധ പിതാവായിരുന്നാലും ഏറ്റം ചെറിയ പള്ളിയുടെ വികാരി...
Read more