ഭാ​ഗം 1: ആരോഹണം (40)

33. കർത്താവിന്റെ ദിവസം

252. ആദ്യം ഒരുവന്റെ സ്വന്തം ബോധ്യത്താലും പരിശീലനത്താലും മാതൃകയാലും, തുടർന്ന് വാക്കുകളാലും പ്രവൃത്തിയാലും തിരുനാളിന്റെ വിശുദ്ധീകരണം ഉത്സാഹപൂർവ്വം തേടുക. ജനതകളുടെ ഭൗതിക അഭിവൃദ്ധി പോലും തിരുനാളിന്റെ വിശുദ്ധീകരണത്തിൽ ആശ്രയിച്ചിരിക്കുന്നു.

253. വിശ്രമത്തെയും ശാരീരിക ആശ്വാസത്തെയും സാബത്ത് ആരാധനയുടെ ഭാഗമായി, ഭൂമിയിലെയും സ്വർഗ്ഗത്തിലെയും പറുദീസയുടെ അനുഭവസ്ഥമായ അനുസ്മരണമായി കണക്കാക്കണം. എന്നാൽ, അവയ്ക്കുള്ള ഒരുക്കങ്ങളോടും ആസ്വാദനത്തോടും കൂടെ അവ നമ്മുടെ ചിന്തകളെയും ആഗ്രഹങ്ങളെയും വാക്കുകളുടെയും മേൽ ആധിപത്യം പുലർത്തരുത്.

254. പ്രത്യേക ഉല്ലാസങ്ങളും അസാധാരണ യാത്രകളും ശ്രദ്ധതിരിച്ചുവിടുന്ന സമാന വിനോദങ്ങളും കർത്താവിന്റെ ദിനത്തിലേക്കായി ഒരിക്കലും മാറ്റിവയ്ക്കരുത്. മറിച്ച്, വേനലവധിക്കാലത്തുപോലും അവ കർത്താവിന്റെ ദിനത്തിൽ ഒഴിവാക്കുക. പകരം ദൈവവചനാസ്വാദനം, മതബോധനം, ലേഖനത്തെയും സുവിശേഷത്തെയും കുറിച്ചുള്ള പ്രസംഗം ആദിയായവ കൊണ്ടുവരിക.

255. ഈ ദിനത്തെ വ്യത്യസ്തമാക്കാനും വിശുദ്ധീകരിക്കാനുമുള്ള കടമ നമ്മെത്തന്നെയും മറ്റുള്ളവരെയും അനുസ്മരിപ്പിക്കുന്നതിനുവേണ്ടി കർത്താവിന്റെ ദിവസം മുഴുവനും, ഭവനത്തിൽപോലും വിശുദ്ധ ബലിയ്ക്കണിഞ്ഞ തിരുവസ്ത്രമോ ഞായർ തിരുവസ്ത്രത്തിന്റെ ഏതെങ്കിലും ഭാഗമോ (ഉദാഹരണത്തിന് ഗായക വസ്ത്രം ദിവസം മുഴുവൻ അണിയുക) ധരിക്കുക.

256. കർത്താവിന്റെ ദിവസത്തിൽ, രണ്ട് ദിവ്യബലിയർപ്പണങ്ങളിൽ പങ്കെടുക്കുക, ഒന്ന് തിരുനാൾ ദിനം വിശുദ്ധീകരിക്കുന്നതിൽ വീഴ്ചവരുത്തിയവർക്കുവേണ്ടി പരിഹാരമനുഷ്ഠിക്കുക എന്ന പ്രകടമായ നിയോഗത്തോടുകൂടെ. ഇടവക മതബോധനത്തിൽ പങ്കെടുക്കുകയും മതപരമായ വിദ്യാഭ്യാസത്തിനും ഇതര ഇടവക പ്രേഷിതത്വത്തിനുമായി നമ്മുടെ ശുശ്രൂഷ നൽകുകയും ചെയ്യുക.

257. കർത്താവിന്റെ ദിവസത്തിൽ മുഖ്യ ക്രിസ്തീയ രഹസ്യങ്ങളോടുള്ള ആദരസൂചകമായി അത്തനേഷ്യൻ വിശ്വാസപ്രമാണം (ക്വികുംക്വേ - Quicumque - എന്നറിയപ്പെടുന്നത്) പ്രാർത്ഥിക്കുകയോ ആലപിക്കുകയോ ചെയ്യുക. വിശുദ്ധജലം കൊണ്ട് ഭവനം തളിക്കുക. കൂടുതൽ ഉയർന്ന ഭക്തിയോടുകൂടെ ആഘോഷപൂർണ്ണമായ വേസ്പരയ്ക്കും ദിവ്യകാരുണ്യാശീർവ്വാദത്തിനും പോകുക.

258. സാധാരണയിൽ കൂടുതൽ സമയം വിശുദ്ധ ഗ്രന്ഥത്തിൽ നിന്നുള്ള, പക്ഷേ നിത്യവും വായിക്കുന്ന ഗ്രന്ഥങ്ങളിൽ നിന്നല്ല, ആദ്ധ്യാത്മിക പാരായണം പൊതുവായി (യഥാർത്ഥ അത്യാവശ്യങ്ങളിൽമാത്രം സ്വകാര്യമായി) നടത്തുക. സന്ദർശനങ്ങൾ നടത്തരുത്. ആത്മീയോത്കർഷമുണ്ടാക്കാത്ത സന്ദർശനങ്ങൾ സാധ്യമെങ്കിൽ സ്വീകരിക്കുകയുമരുത്.


Comments

Post a Comment

Popular posts from this blog

1 മുഖക്കുറിപ്പ്

Image
വിശുദ്ധ ജസ്റ്റിൻ റുസ്സൊളില്ലോയുടെ സമ്പൂർണ്ണ കൃതികൾ 2004 മുതൽ ഇറ്റാലിയൻ ഭാഷയിലും ഇം​ഗ്ലീഷ് ഭാഷയിലുമായി പ്രസിദ്ധീകരിച്ചുവരുന്ന വി. ജസ്റ്റിൻ റുസ്സൊളില്ലോയുടെ കൃതികളുടെ മലയാളം പരിഭാഷയാണ് ഇവിടെ ചേർത്തിരിക്കുന്നത്. ഇറ്റാലിയൻ ഭാഷയിൽ Opera Omnia എന്നും ഇം​ഗ്ലീഷ് വിവർത്തനത്തിൽ Works എന്നുമാണ് ഈ സമാഹാരത്തിന്റെ പേര്. ഇരുപതു വർഷങ്ങൾക്കിപ്പുറം പല വാല്യങ്ങളായി ഇതിനകം 28 ​ഗ്രന്ഥങ്ങൾ പ്രസിദ്ധീകൃതമായിട്ടുണ്ട്. 2025-ൽ പ്രസിദ്ധീകൃതമായ ഇരുപത്തിയെട്ടാം വാല്യമാണ് ഈ ശ്രേണിയിൽ അവസാനത്തേത്. ഈ സദുദ്യമം ഏറ്റെടുത്ത് വിശ്വസ്തതാപൂർവ്വം ഇക്കാലമത്രയും അശ്രാന്തപരിശ്രമം നടത്തിവരുന്ന ആരാധ്യനായ ഫാ. ലൂയിസ് കപ്പൂത്തോയെ കൃതജ്ഞതാപൂർവ്വം ഇത്തരുണത്തിൽ അനുസ്മരിക്കുന്നു. ഈ ശ്രേണിയിലുള്ള ​ഗ്രന്ഥങ്ങളുടെ പേരുകൾ ചുവടെ ചേർത്തിരിക്കുന്നു: 1. ആരോഹണം (Ascension) 2. പ്രാർത്ഥനാരൂപി (Spirit of Prayer) 3. നമുക്ക് മനുഷ്യനെ സൃഷ്ടിക്കാം - ഭാ​ഗം 1 (Let Us Make Man - Part I) 4. നമുക്ക് മനുഷ്യനെ സൃഷ്ടിക്കാം - ഭാ​ഗം 2 (Let Us Make Man - Part II) 5. മാനസിക പ്രാർത്ഥനയ്ക്ക് (For Mental Prayer) 6. വ‍ചന ശുശ്രൂഷ (Ministry of the Word) 7. പ്രഭാഷണങ്ങൾ (Le...
Read more

ഭാ​ഗം 1: ആരോഹണം (011)

4. ഉന്നതത്തിൽ നിന്നുള്ള സഹായം 31. ദൈവമാതാവായ പരിശുദ്ധ കന്യകാമറിയത്തിന്റെ സ്വർഗ്ഗീയ സംരക്ഷണത്തിനും മാതൃസഹജമായ കരുതലിനും വി. യൗസേപ്പിനും ഞാൻ പൂർണ്ണമായി ഭരമേല്പിക്കപ്പെടും. ഞാൻ അംഗമാകാൻ ആഗ്രഹിക്കുന്ന കുടുംബവും ഞാൻ പ്രവേശിക്കാനാഗ്രഹിക്കുന്ന രാജ്യവും അവരുടേതാണ്. എന്റെ ആന്തരിക ജീവിതത്തിൽ, ദൈവസിംഹാസനത്തിങ്കൽ ശുശ്രൂഷ ചെയ്യുന്ന ഏഴ് മാലാഖമാരുമായി ഞാൻ പ്രത്യേകമാംവിധം സ്വയം എെക്യപ്പെടുത്തും. 32. ദൈവസ്നേഹത്തിന്റെ മാതാവായ പരിശുദ്ധ കന്യകയെ, വി. ലൂയി മറി ദെ മോൺഫോർട്ടിന്റെ ഭക്തിയോടുകൂടെ, "ദൈവവിളികളുടെ നാഥ'', സകല കൃപാവരങ്ങളുടെയും മദ്ധ്യസ്ഥ, സകല വിശുദ്ധരുടെയും രാജ്ഞി, എന്ന സംജ്ഞയോടുകൂടെ, അവളോടുള്ള സ്വകാര്യമായ എല്ലാ ഭക്തകൃത്യങ്ങളിലും എല്ലായ്പ്പോഴും അഭേദ്യമായി വി. യൗസേപ്പിനെ സംയോജിപ്പിച്ചുകൊണ്ട്, ഞാൻ വണങ്ങും. 33. എന്റെ മദ്ധ്യസ്ഥ വിശുദ്ധർക്കു പുറമെ, എന്റെ സ്വകാര്യ ഭക്തകൃത്യങ്ങളിൽ, വ്യത്യസ്ഥ വിഭാഗങ്ങളിൽപ്പെടുന്ന വിജയസഭയിലെ എല്ലാ വിശുദ്ധരെയും, സവിശേഷമായി പരിശുദ്ധ പ്രവാചകന്മാർ, അപ്പസ്തോലന്മാർ, സഭാപിതാക്കന്മാർ, വേദപാരംഗതന്മാർ, പരിശുദ്ധ മാർപ്പാപ്പമാർ, സഭാസ്ഥാപകർ എന്നിവരെ ഞാൻ വണങ്ങും. തിരുസ്...
Read more

ഭാ​ഗം 1: ആരോഹണം (115)

107. പ്രധാന വീഥി 900. ഓരോ വൊക്കേഷനിസ്റ്റിനും, സവിശേഷമായി മോലധികാരികൾക്കും അദ്ധ്യാപകർക്കും മേധാവികൾക്കും, സാർവ്വത്രിക സഭാനിയമം, ആരാധനക്രമം, നമ്മുടെ നിയമാവലി, അനുഷ്ഠാനവിധി തുടങ്ങിയവയുടെ ഓരോ നിയമത്തെക്കുറിച്ചുമുള്ള ആഴമായ ഒരറിവുണ്ടായിരിക്കണം. അവയുടെ വാച്യാർത്ഥവും അതിൽക്കൂടുതലായി അവയുടെ അരൂപിയും അതുപോലെ അവയുടെ ചരിത്രവും മനഃശാസ്ത്രവും നിർവ്വഹണവും ഉൾക്കൊള്ളുന്നതായിരിക്കണം ഈ അറിവ്. 901. അവയെപ്പറ്റി സംസാരിക്കാനുള്ള അവസരങ്ങൾ അവർ കണ്ടെത്തുന്നതും അവയുടെ എണ്ണം വർദ്ധിപ്പിക്കുന്നതും പ്രധാനപ്പെട്ടതും അത്യാവശ്യവുമാണ്. അവർ അവയെക്കുറിച്ചു സംസാരിക്കുമ്പോൾ, വ്യക്തവും സമുന്നതവുമായ ആശയങ്ങളോടും പദങ്ങളോടും കൂടെ, വലിയ സ്നേഹത്തോടും ബഹുമാനത്തോടും കൂടെ, അവരുടെ വലിയ സ്നേഹവും അവ പാലിക്കാനുള്ള നിശ്ചയദാർഢ്യവും വാചികമായി പ്രകടിപ്പിച്ചുകൊണ്ടും, അതുപോലെ അവ പാലിക്കാൻ മറ്റുള്ളവരെ സഹായിച്ചുകൊണ്ടും അപ്രകാരം തീർത്തും പരിശുദ്ധമായ ഒരന്തരീക്ഷം സൃഷ്ടിച്ചുകൊണ്ടും വേണം അപ്രകാരം ചെയ്യാൻ. 902. മേലധികാരി, അദ്ദേഹം പ്രഥമ സ്ഥാനീയനായിരുന്നാലും ഏറ്റം എളിയവനായിരുന്നാലും, പരിശുദ്ധ പിതാവായിരുന്നാലും ഏറ്റം ചെറിയ പള്ളിയുടെ വികാരി...
Read more