ഭാ​ഗം 1: ആരോഹണം (29)

22. ജാഗരണം

159. സമര, സഹന, വിജയ സഭകളുടെ അരൂപിയിലേക്ക് കൂടുതലായി പ്രവേശിക്കുന്ന ആത്മാവ് നീയായിരിക്കട്ടെ! ഈ പരിശുദ്ധ രഹസ്യത്തിലും സാന്നിദ്ധ്യത്തിലും പുണ്യവാന്മാരുടെ ഐക്യത്തിൽ ഏറ്റവും കൂടുതൽ സ്വീകരിക്കുന്നതും ഏറ്റവുമധികം കൊടുക്കുന്നതുമായ ആത്മാവ്!

160. യേശുവിന്റെയും മറിയത്തിന്റെയും യൗസേപ്പിന്റെയും തിരുക്കുടുംബത്തിന്റെ പ്രവർത്തനങ്ങളോടും അവസ്ഥകളോടും ഏറ്റവും ഗാഢമായി ഐക്യപ്പെട്ടിരിക്കുന്ന ആത്മാവായിരിക്കുക! പരിശുദ്ധ ത്രിത്വവുമായുള്ള ദൈവൈക്യത്തിലേക്കുള്ള ഏറ്റവും ശക്തമായ പ്രേരണ അതിൽനിന്നും സ്വീകരിച്ച്, ഈ രഹസ്യത്തിൽ നിന്നും ഏറ്റവുമധികം പ്രചോദനമുൾക്കൊള്ളുന്ന ആത്മാവായിരിക്കുക!

161. ഇനിയും നിനക്കു മനസ്സിലായില്ലേ? ശുദ്ധീകരണ സ്ഥലത്തിലെ ആത്മാക്കളും മാലാഖമാരും വിശുദ്ധരും തിരുക്കുടുംബവും പരിശുദ്ധ ത്രിത്വവും ഈ രഹസ്യം നിന്നിൽ, നിന്റെ ആന്തരിക ദേവാലയത്തിലെന്നപോലെ നിന്റെ ബാഹ്യലോകത്തും ആഘോഷിക്കാൻ ആഗ്രഹിക്കുന്നു.

162. നിന്നോടൊപ്പം ചേരാൻ നിന്റെ ഭൗമികവും സ്വർഗീയവുമായ എല്ലാ സ്നേഹിതർക്കും ക്ഷണം നൽകുകയും അവരെ പ്രേരിപ്പിക്കുകയും ചെയ്യുക! അവരെല്ലാവരും ഒന്നായി വന്ന് നിന്റെയുള്ളിൽ കർത്താവിനുവേണ്ടി മഹത്വത്തിന്റെയും സ്നേഹത്തിന്റെയും ഒരു സദസ്സ് രൂപീകരിക്കുന്ന വിധത്തിൽ ഭൂമിയിലും ശുദ്ധീകരണ സ്ഥലത്തുമുള്ള നിർദ്ധനർക്കുവേണ്ടി വലിയ സംഭാവനകളുള്ള വിരുന്നുകളും സംഘടിപ്പിക്കുക!

163. ബാഹ്യലോകത്തു നിന്നുമുള്ള കൂടുതൽ ഉദാരതരമായ അകൽച്ചയോടും ആന്തരിക ലോകത്തിൽ കൂടുതൽ ഉദാരതരമായ ആത്മപരിത്യാഗത്തോടും കൂടെ "ഒരുങ്ങിയിരിക്കുക''! പോയകാലത്തെപ്രതിയുള്ള ആഴമാർന്ന പരിതാപത്തോടും ഭാവിയിലേയ്ക്കുള്ള കൂടുതൽ സമുന്നതമായ നിശ്ചയദാർഢ്യത്തോടും കൂടെ ദൈവത്തിനായി ഒരുങ്ങിയിരിക്കുക!

164. യേശു ആഗ്രഹിച്ച മാളികമുറി പോലെ, വിരുന്നുമുറി ബൃഹത്തായും നല്ലപോലെ അലങ്കരിച്ചും സജ്ജീകരിക്കുക. അവനെ കാണാൻ പോകാൻ വിശ്വാസ വിളക്കുകൾ വേണ്ടവിധം വിതരണം ചെയ്യുക. അവന്റെ വരവ് വിളംബരം ചെയ്യുന്ന വിശ്വാസത്തിന്റെ എല്ലാ കാവൽക്കാരെയും ഉണർവ്വോടെ കാക്കുക.

165. നിന്നിൽ ഈ രഹസ്യം നവീകൃതമായിരിക്കുവാൻ നീ ആഗ്രഹിക്കുന്നുവെങ്കിൽ ഈ രഹസ്യത്തിൽ നിന്നെത്തന്നെ പൂർണ്ണമായി നവീകരിക്കുക. ബലി - ദിവ്യകാരുണ്യ യേശുവുമായുള്ള നിന്റെ ദഹനബലി - സജ്ജമാക്കുക. എന്നാൽ കർത്താവ് പുതിയ അതിസ്വാഭാവിക ബന്ധങ്ങളിലേക്കുള്ള നവീനമായ സ്വർഗീയ ഉയർച്ചകൾ നിനക്കായി ഒരുക്കും.

166. ഓ ദൈവസാന്നിദ്ധ്യത്തിലെ നവ ഗർഭധാരണങ്ങളേ ക്രിസ്തുമസ്സുകളേ! ഓ നവ സമർപ്പണങ്ങളേ സന്ദർശനങ്ങളേ! ഓ നവ ഛേദനാചാരങ്ങളേ പ്രത്യക്ഷീകരണങ്ങളേ! ഓ നവ ഉത്ഥാനങ്ങളേ സ്വർഗാരോപണങ്ങളേ! ഓ നവ മംഗളവാർത്തകളേ വിവാഹങ്ങളേ!

167. ഓ ദൈവസന്നിധിയിലെ നവ പെന്തക്കുസ്തകളേ മിഷനുകളേ! ഓ നവ ദൈവപരിഗണനകളേ രൂപാന്തരീകരണങ്ങളേ! ഓ നവ സ്വർഗാരോപണങ്ങളേ കിരീടധാരണങ്ങളേ! ഓ നവ സംസർഗമേ ഐക്യമേ!

Comments

Post a Comment

Popular posts from this blog

1 മുഖക്കുറിപ്പ്

Image
വിശുദ്ധ ജസ്റ്റിൻ റുസ്സൊളില്ലോയുടെ സമ്പൂർണ്ണ കൃതികൾ 2004 മുതൽ ഇറ്റാലിയൻ ഭാഷയിലും ഇം​ഗ്ലീഷ് ഭാഷയിലുമായി പ്രസിദ്ധീകരിച്ചുവരുന്ന വി. ജസ്റ്റിൻ റുസ്സൊളില്ലോയുടെ കൃതികളുടെ മലയാളം പരിഭാഷയാണ് ഇവിടെ ചേർത്തിരിക്കുന്നത്. ഇറ്റാലിയൻ ഭാഷയിൽ Opera Omnia എന്നും ഇം​ഗ്ലീഷ് വിവർത്തനത്തിൽ Works എന്നുമാണ് ഈ സമാഹാരത്തിന്റെ പേര്. ഇരുപതു വർഷങ്ങൾക്കിപ്പുറം പല വാല്യങ്ങളായി ഇതിനകം 28 ​ഗ്രന്ഥങ്ങൾ പ്രസിദ്ധീകൃതമായിട്ടുണ്ട്. 2025-ൽ പ്രസിദ്ധീകൃതമായ ഇരുപത്തിയെട്ടാം വാല്യമാണ് ഈ ശ്രേണിയിൽ അവസാനത്തേത്. ഈ സദുദ്യമം ഏറ്റെടുത്ത് വിശ്വസ്തതാപൂർവ്വം ഇക്കാലമത്രയും അശ്രാന്തപരിശ്രമം നടത്തിവരുന്ന ആരാധ്യനായ ഫാ. ലൂയിസ് കപ്പൂത്തോയെ കൃതജ്ഞതാപൂർവ്വം ഇത്തരുണത്തിൽ അനുസ്മരിക്കുന്നു. ഈ ശ്രേണിയിലുള്ള ​ഗ്രന്ഥങ്ങളുടെ പേരുകൾ ചുവടെ ചേർത്തിരിക്കുന്നു: 1. ആരോഹണം (Ascension) 2. പ്രാർത്ഥനാരൂപി (Spirit of Prayer) 3. നമുക്ക് മനുഷ്യനെ സൃഷ്ടിക്കാം - ഭാ​ഗം 1 (Let Us Make Man - Part I) 4. നമുക്ക് മനുഷ്യനെ സൃഷ്ടിക്കാം - ഭാ​ഗം 2 (Let Us Make Man - Part II) 5. മാനസിക പ്രാർത്ഥനയ്ക്ക് (For Mental Prayer) 6. വ‍ചന ശുശ്രൂഷ (Ministry of the Word) 7. പ്രഭാഷണങ്ങൾ (Le...
Read more

ഭാ​ഗം 1: ആരോഹണം (011)

4. ഉന്നതത്തിൽ നിന്നുള്ള സഹായം 31. ദൈവമാതാവായ പരിശുദ്ധ കന്യകാമറിയത്തിന്റെ സ്വർഗ്ഗീയ സംരക്ഷണത്തിനും മാതൃസഹജമായ കരുതലിനും വി. യൗസേപ്പിനും ഞാൻ പൂർണ്ണമായി ഭരമേല്പിക്കപ്പെടും. ഞാൻ അംഗമാകാൻ ആഗ്രഹിക്കുന്ന കുടുംബവും ഞാൻ പ്രവേശിക്കാനാഗ്രഹിക്കുന്ന രാജ്യവും അവരുടേതാണ്. എന്റെ ആന്തരിക ജീവിതത്തിൽ, ദൈവസിംഹാസനത്തിങ്കൽ ശുശ്രൂഷ ചെയ്യുന്ന ഏഴ് മാലാഖമാരുമായി ഞാൻ പ്രത്യേകമാംവിധം സ്വയം എെക്യപ്പെടുത്തും. 32. ദൈവസ്നേഹത്തിന്റെ മാതാവായ പരിശുദ്ധ കന്യകയെ, വി. ലൂയി മറി ദെ മോൺഫോർട്ടിന്റെ ഭക്തിയോടുകൂടെ, "ദൈവവിളികളുടെ നാഥ'', സകല കൃപാവരങ്ങളുടെയും മദ്ധ്യസ്ഥ, സകല വിശുദ്ധരുടെയും രാജ്ഞി, എന്ന സംജ്ഞയോടുകൂടെ, അവളോടുള്ള സ്വകാര്യമായ എല്ലാ ഭക്തകൃത്യങ്ങളിലും എല്ലായ്പ്പോഴും അഭേദ്യമായി വി. യൗസേപ്പിനെ സംയോജിപ്പിച്ചുകൊണ്ട്, ഞാൻ വണങ്ങും. 33. എന്റെ മദ്ധ്യസ്ഥ വിശുദ്ധർക്കു പുറമെ, എന്റെ സ്വകാര്യ ഭക്തകൃത്യങ്ങളിൽ, വ്യത്യസ്ഥ വിഭാഗങ്ങളിൽപ്പെടുന്ന വിജയസഭയിലെ എല്ലാ വിശുദ്ധരെയും, സവിശേഷമായി പരിശുദ്ധ പ്രവാചകന്മാർ, അപ്പസ്തോലന്മാർ, സഭാപിതാക്കന്മാർ, വേദപാരംഗതന്മാർ, പരിശുദ്ധ മാർപ്പാപ്പമാർ, സഭാസ്ഥാപകർ എന്നിവരെ ഞാൻ വണങ്ങും. തിരുസ്...
Read more

ഭാ​ഗം 1: ആരോഹണം (115)

107. പ്രധാന വീഥി 900. ഓരോ വൊക്കേഷനിസ്റ്റിനും, സവിശേഷമായി മോലധികാരികൾക്കും അദ്ധ്യാപകർക്കും മേധാവികൾക്കും, സാർവ്വത്രിക സഭാനിയമം, ആരാധനക്രമം, നമ്മുടെ നിയമാവലി, അനുഷ്ഠാനവിധി തുടങ്ങിയവയുടെ ഓരോ നിയമത്തെക്കുറിച്ചുമുള്ള ആഴമായ ഒരറിവുണ്ടായിരിക്കണം. അവയുടെ വാച്യാർത്ഥവും അതിൽക്കൂടുതലായി അവയുടെ അരൂപിയും അതുപോലെ അവയുടെ ചരിത്രവും മനഃശാസ്ത്രവും നിർവ്വഹണവും ഉൾക്കൊള്ളുന്നതായിരിക്കണം ഈ അറിവ്. 901. അവയെപ്പറ്റി സംസാരിക്കാനുള്ള അവസരങ്ങൾ അവർ കണ്ടെത്തുന്നതും അവയുടെ എണ്ണം വർദ്ധിപ്പിക്കുന്നതും പ്രധാനപ്പെട്ടതും അത്യാവശ്യവുമാണ്. അവർ അവയെക്കുറിച്ചു സംസാരിക്കുമ്പോൾ, വ്യക്തവും സമുന്നതവുമായ ആശയങ്ങളോടും പദങ്ങളോടും കൂടെ, വലിയ സ്നേഹത്തോടും ബഹുമാനത്തോടും കൂടെ, അവരുടെ വലിയ സ്നേഹവും അവ പാലിക്കാനുള്ള നിശ്ചയദാർഢ്യവും വാചികമായി പ്രകടിപ്പിച്ചുകൊണ്ടും, അതുപോലെ അവ പാലിക്കാൻ മറ്റുള്ളവരെ സഹായിച്ചുകൊണ്ടും അപ്രകാരം തീർത്തും പരിശുദ്ധമായ ഒരന്തരീക്ഷം സൃഷ്ടിച്ചുകൊണ്ടും വേണം അപ്രകാരം ചെയ്യാൻ. 902. മേലധികാരി, അദ്ദേഹം പ്രഥമ സ്ഥാനീയനായിരുന്നാലും ഏറ്റം എളിയവനായിരുന്നാലും, പരിശുദ്ധ പിതാവായിരുന്നാലും ഏറ്റം ചെറിയ പള്ളിയുടെ വികാരി...
Read more