ഭാ​ഗം 1: ആരോഹണം (27)

20. ഒരുക്കങ്ങൾ

141. ഓ എന്റെ ആത്മാവേ, നിന്റെ തിരുനാൾ ദിനത്തിൽ ധ്യാനവും ഭക്തിയും പരിപോഷിപ്പിക്കുന്നതിനായി, നിന്നെ വലയം ചെയ്യുന്നതും നിനക്കുള്ളതുമായ സർവ്വവും കൂടുതൽ മഹത്തരമായ ശുദ്ധതയും ക്രമവും സൗന്ദര്യവും ദൃശ്യമായി പോലും വികിരണം ചെയ്യട്ടെ.

142. ഓ എന്റെ ആത്മാവേ, തിരുനാൾ ദിനങ്ങളിൽ, ദൈവഭവനത്തിൽ അൾത്താരയ്ക്കു സമീപത്തായി സാധിക്കുന്നിടത്തോളം ആയിരിക്കാൻ പരിശ്രമിക്കുക. ദേവാലയത്തിന്റെ ആരാധനക്രമം ആചരിക്കുകയും ആവർത്തിക്കുകയും ചെയ്യുന്ന ഒരു ചെറുദേവാലയമായി നിന്റെ മുറി രൂപാന്തരപ്പെടുത്താനും പരിശ്രമിക്കുക.

143. എന്റെ ആത്മാവേ, പ്രായശ്ചിത്തത്തിന്റെ ഗൗരവത്തിനായി ഊതനിറത്തിന്റെ ദുഃഖത്താലും പിന്നീട്, കർത്താവിന്റെ നിത്യതയുടെ ദിനത്തിലുള്ള അമർത്യമായ പ്രത്യാശയ്ക്കായി ഹരിതവർണ്ണത്തിന്റെ ഉന്മേഷവും ആന്തരികമായും ബാഹ്യമായും സ്വയം ധരിക്കുക.

144. എന്റെ ആത്മാവേ, കന്യകമാരുടെയും മറിയത്തിന്റെയും മഹത്വപൂർണ്ണമായ ശോഭയാൽ സജീവമായ ധവളനിറത്താലും പിന്നീട് രക്തസാക്ഷികളുടെയും യേശുവിന്റെ തിരുരക്തത്തിന്റെയും ആത്മാവിന്റെ അഗ്നിസ്ഫുലിംഗങ്ങളുടെയും അരുണവർണ്ണം ആന്തരികമായും ബാഹ്യമായും സ്വയം ധരിക്കുക.

145. യേശുവിലും വ്യക്തികളിലുമുള്ള ദൈവിക ജീവന്റെ മഹത്തായ ക്രിസ്തീയ നാടകീയതകളുടെ നിരന്തരമായ നവീനതയിലും അതിസ്വാഭാവിക യാഥാർത്ഥ്യത്തിലുമുള്ള സവിശേഷമായൊരു പങ്കാളിത്തം നിന്റെ ഇന്ദ്രിയങ്ങൾക്കെല്ലാം ഏല്പിച്ചുകൊടുക്കുക.

146. എന്റെ ആത്മാവേ, ദൈവത്തിൻ മുമ്പാകെയുള്ള ഈ രഹസ്യത്തിൽ നിന്റെ സ്ഥാനം എന്തായിരുന്നു? നിന്റെ ദുർഭഗമായ പഴയകാലത്തിൽ നീ യേശുവിന്റെയോ മറിയത്തിന്റെയോ ചാരത്തായിരുന്നുവോ? സമീപഭാവിയിൽ നിന്റെ സ്ഥാനം എന്തായിരിക്കും? നിന്നെ എവിടെ കാണാനാണ് യേശു ആഗ്രഹിക്കുന്നത്?

147. ദൈവത്തിൽ നിന്നല്ലെങ്കിൽ യാതൊരു ഭക്തചിന്തയോ ആഗ്രഹമോ നിന്നിലുണ്ടായില്ല എന്നതിനാൽ നിന്റെ ഹൃദയം പരിശോധിക്കുക. ഇത് ആദ്യം ദൈവത്തിലും ശേഷം നിന്നിലുമാണെങ്കിൽ, നീ പ്രത്യുത്തരിക്കുകയും ആക്ഷേപമുന്നയിക്കാതിരിക്കുകയും ചെയ്താൽ അതിന് അതിന്റെ ഫലങ്ങളുണ്ടായിരിക്കണം.

148. സകല ക്രിസ്തീയ രഹസ്യങ്ങളിലുമുള്ള മാലാഖമാരുടെ സ്ഥാനത്തെക്കുറിച്ച് ഞാൻ ചിന്തിക്കുന്നു. പരിശുദ്ധ മാതാവിന്റെ തിരുനാളുകളിലെ യൗസേപ്പിന്റെ സ്ഥാനം! യേശുവിന്റെ രഹസ്യങ്ങളിൽ മറിയത്തിന്റെ സ്ഥാനം! ഓ! നിത്യതയ്ക്കും എന്റെ ദൈവത്തിന്റെ അനന്തമായ അപരിമേയത്വത്തിനും അർഹനാകുവാൻ ഞാൻ എത്ര ആശിക്കുന്നുവെന്നോ!

149. നിന്റെ ധ്യാനാരൂപിയെ യാതൊരു പ്രശ്നവും അസഹ്യപ്പെടുത്താതിരിക്കാനും യാതൊരു ഭാവനയും ദൈവദാനത്തെ കവരാതിരിക്കാനും യാതൊരു ലഘുതിന്മയും നിന്റെ തീക്ഷ്ണതയെ കെടുത്താതിരിക്കാനുമായി ഇപ്പോൾ ജാഗ്രത പാലിക്കുക! പ്രലോഭനത്തിലകപ്പെടാതിരിക്കാൻ.

Comments

Post a Comment

Popular posts from this blog

1 മുഖക്കുറിപ്പ്

Image
വിശുദ്ധ ജസ്റ്റിൻ റുസ്സൊളില്ലോയുടെ സമ്പൂർണ്ണ കൃതികൾ 2004 മുതൽ ഇറ്റാലിയൻ ഭാഷയിലും ഇം​ഗ്ലീഷ് ഭാഷയിലുമായി പ്രസിദ്ധീകരിച്ചുവരുന്ന വി. ജസ്റ്റിൻ റുസ്സൊളില്ലോയുടെ കൃതികളുടെ മലയാളം പരിഭാഷയാണ് ഇവിടെ ചേർത്തിരിക്കുന്നത്. ഇറ്റാലിയൻ ഭാഷയിൽ Opera Omnia എന്നും ഇം​ഗ്ലീഷ് വിവർത്തനത്തിൽ Works എന്നുമാണ് ഈ സമാഹാരത്തിന്റെ പേര്. ഇരുപതു വർഷങ്ങൾക്കിപ്പുറം പല വാല്യങ്ങളായി ഇതിനകം 28 ​ഗ്രന്ഥങ്ങൾ പ്രസിദ്ധീകൃതമായിട്ടുണ്ട്. 2025-ൽ പ്രസിദ്ധീകൃതമായ ഇരുപത്തിയെട്ടാം വാല്യമാണ് ഈ ശ്രേണിയിൽ അവസാനത്തേത്. ഈ സദുദ്യമം ഏറ്റെടുത്ത് വിശ്വസ്തതാപൂർവ്വം ഇക്കാലമത്രയും അശ്രാന്തപരിശ്രമം നടത്തിവരുന്ന ആരാധ്യനായ ഫാ. ലൂയിസ് കപ്പൂത്തോയെ കൃതജ്ഞതാപൂർവ്വം ഇത്തരുണത്തിൽ അനുസ്മരിക്കുന്നു. ഈ ശ്രേണിയിലുള്ള ​ഗ്രന്ഥങ്ങളുടെ പേരുകൾ ചുവടെ ചേർത്തിരിക്കുന്നു: 1. ആരോഹണം (Ascension) 2. പ്രാർത്ഥനാരൂപി (Spirit of Prayer) 3. നമുക്ക് മനുഷ്യനെ സൃഷ്ടിക്കാം - ഭാ​ഗം 1 (Let Us Make Man - Part I) 4. നമുക്ക് മനുഷ്യനെ സൃഷ്ടിക്കാം - ഭാ​ഗം 2 (Let Us Make Man - Part II) 5. മാനസിക പ്രാർത്ഥനയ്ക്ക് (For Mental Prayer) 6. വ‍ചന ശുശ്രൂഷ (Ministry of the Word) 7. പ്രഭാഷണങ്ങൾ (Le...
Read more

ഭാ​ഗം 1: ആരോഹണം (011)

4. ഉന്നതത്തിൽ നിന്നുള്ള സഹായം 31. ദൈവമാതാവായ പരിശുദ്ധ കന്യകാമറിയത്തിന്റെ സ്വർഗ്ഗീയ സംരക്ഷണത്തിനും മാതൃസഹജമായ കരുതലിനും വി. യൗസേപ്പിനും ഞാൻ പൂർണ്ണമായി ഭരമേല്പിക്കപ്പെടും. ഞാൻ അംഗമാകാൻ ആഗ്രഹിക്കുന്ന കുടുംബവും ഞാൻ പ്രവേശിക്കാനാഗ്രഹിക്കുന്ന രാജ്യവും അവരുടേതാണ്. എന്റെ ആന്തരിക ജീവിതത്തിൽ, ദൈവസിംഹാസനത്തിങ്കൽ ശുശ്രൂഷ ചെയ്യുന്ന ഏഴ് മാലാഖമാരുമായി ഞാൻ പ്രത്യേകമാംവിധം സ്വയം എെക്യപ്പെടുത്തും. 32. ദൈവസ്നേഹത്തിന്റെ മാതാവായ പരിശുദ്ധ കന്യകയെ, വി. ലൂയി മറി ദെ മോൺഫോർട്ടിന്റെ ഭക്തിയോടുകൂടെ, "ദൈവവിളികളുടെ നാഥ'', സകല കൃപാവരങ്ങളുടെയും മദ്ധ്യസ്ഥ, സകല വിശുദ്ധരുടെയും രാജ്ഞി, എന്ന സംജ്ഞയോടുകൂടെ, അവളോടുള്ള സ്വകാര്യമായ എല്ലാ ഭക്തകൃത്യങ്ങളിലും എല്ലായ്പ്പോഴും അഭേദ്യമായി വി. യൗസേപ്പിനെ സംയോജിപ്പിച്ചുകൊണ്ട്, ഞാൻ വണങ്ങും. 33. എന്റെ മദ്ധ്യസ്ഥ വിശുദ്ധർക്കു പുറമെ, എന്റെ സ്വകാര്യ ഭക്തകൃത്യങ്ങളിൽ, വ്യത്യസ്ഥ വിഭാഗങ്ങളിൽപ്പെടുന്ന വിജയസഭയിലെ എല്ലാ വിശുദ്ധരെയും, സവിശേഷമായി പരിശുദ്ധ പ്രവാചകന്മാർ, അപ്പസ്തോലന്മാർ, സഭാപിതാക്കന്മാർ, വേദപാരംഗതന്മാർ, പരിശുദ്ധ മാർപ്പാപ്പമാർ, സഭാസ്ഥാപകർ എന്നിവരെ ഞാൻ വണങ്ങും. തിരുസ്...
Read more

ഭാ​ഗം 1: ആരോഹണം (115)

107. പ്രധാന വീഥി 900. ഓരോ വൊക്കേഷനിസ്റ്റിനും, സവിശേഷമായി മോലധികാരികൾക്കും അദ്ധ്യാപകർക്കും മേധാവികൾക്കും, സാർവ്വത്രിക സഭാനിയമം, ആരാധനക്രമം, നമ്മുടെ നിയമാവലി, അനുഷ്ഠാനവിധി തുടങ്ങിയവയുടെ ഓരോ നിയമത്തെക്കുറിച്ചുമുള്ള ആഴമായ ഒരറിവുണ്ടായിരിക്കണം. അവയുടെ വാച്യാർത്ഥവും അതിൽക്കൂടുതലായി അവയുടെ അരൂപിയും അതുപോലെ അവയുടെ ചരിത്രവും മനഃശാസ്ത്രവും നിർവ്വഹണവും ഉൾക്കൊള്ളുന്നതായിരിക്കണം ഈ അറിവ്. 901. അവയെപ്പറ്റി സംസാരിക്കാനുള്ള അവസരങ്ങൾ അവർ കണ്ടെത്തുന്നതും അവയുടെ എണ്ണം വർദ്ധിപ്പിക്കുന്നതും പ്രധാനപ്പെട്ടതും അത്യാവശ്യവുമാണ്. അവർ അവയെക്കുറിച്ചു സംസാരിക്കുമ്പോൾ, വ്യക്തവും സമുന്നതവുമായ ആശയങ്ങളോടും പദങ്ങളോടും കൂടെ, വലിയ സ്നേഹത്തോടും ബഹുമാനത്തോടും കൂടെ, അവരുടെ വലിയ സ്നേഹവും അവ പാലിക്കാനുള്ള നിശ്ചയദാർഢ്യവും വാചികമായി പ്രകടിപ്പിച്ചുകൊണ്ടും, അതുപോലെ അവ പാലിക്കാൻ മറ്റുള്ളവരെ സഹായിച്ചുകൊണ്ടും അപ്രകാരം തീർത്തും പരിശുദ്ധമായ ഒരന്തരീക്ഷം സൃഷ്ടിച്ചുകൊണ്ടും വേണം അപ്രകാരം ചെയ്യാൻ. 902. മേലധികാരി, അദ്ദേഹം പ്രഥമ സ്ഥാനീയനായിരുന്നാലും ഏറ്റം എളിയവനായിരുന്നാലും, പരിശുദ്ധ പിതാവായിരുന്നാലും ഏറ്റം ചെറിയ പള്ളിയുടെ വികാരി...
Read more