ഭാ​ഗം 1: ആരോഹണം (26)

ക്രിസ്തീയ രഹസ്യങ്ങൾക്കുവേണ്ടി
19. തിരുനാളിനെ സമീപിക്കുന്നത്

132. ഓ എന്റെ മാലാഖയേ! ... ഓ എന്റെ വി. യൗസേപ്പേ, ഓ എന്റെ പരിശുദ്ധ മാതാവേ... കാലം കടന്നുപോകുന്നു. സുവിശേഷ മാതൃക അതിന്റെ പൂർണ്ണതയിൽ എന്റെ ആത്മാവിൽ എത്തിച്ചേരണം.

133. ഓരോ വ്യക്തിയുടെയും കൃപയ്ക്കും അതിസ്വാഭാവിക തലത്തിലെ കഴിവിനുമനുഗുണമായി വിശ്വാസികളുടെ, തിരഞ്ഞെടുക്കപ്പെട്ടവരുടെ ജീവിതത്തിൽ അനുകരിക്കപ്പെടുന്നതും പുനരാവിഷ്കരിക്കപ്പെടുന്നതുമായ യേശുവിന്റെ ജീവിത മാതൃക.

134. സഭയുടെ അതിസ്വാഭാവിക കാലങ്ങളെ, അവയുടെ സവിശേഷ കൃപകളോടുകൂടെ, ഞാൻ ഗ്രഹിക്കട്ടെ. ശൈത്യകാലത്ത് വസന്തകാലത്തെ പൂക്കൾ കണ്ടെത്താൻ ഞാൻ ശ്രമിക്കാതിരിക്കട്ടെ. വസന്തകാലത്ത് ശരത്കാലത്തിന്റെ ഫലങ്ങൾ ഞാൻ പ്രതീക്ഷിക്കാതിരിക്കട്ടെ.

135. എന്റെ വസന്തങ്ങളെല്ലാം സകലതരം പുഷ്പത്താലും നിറഞ്ഞിരിക്കട്ടെ. അവ ക്ഷണികമായ അലങ്കാരങ്ങൾ മാത്രമാകാതിരിക്കട്ടെ. എന്റെ എല്ലാ പുഷ്പങ്ങളും അവയുടെ ഫലം പുറപ്പെടുവിക്കട്ടെ. അതിൽ എന്റെ ദൈവിക തോട്ടക്കാരൻ മഹത്വപ്പെടട്ടെ.

136. എന്റെ ജീവിതത്തിൽ എക്കാലവും വർദ്ധിതമായ ഗാഢവും സമുന്നതുമായ ദൈവാവിഷ്കാരങ്ങൾക്കായി എന്നെ സജ്ജമാക്കുന്നതിനായി എക്കാലവും കൂടുതൽ സമ്പൂർണ്ണമായ പുണ്യത്തിന്റെ രൂപങ്ങൾ ഓരോ ആഗമനകാലത്തും ക്രിസ്തുമസ്സിലും എന്റെ ആത്മാവിൽ പിറക്കണം.

137. എന്റെ ആത്മാവിൽ ഇപ്പോഴും നിലനിൽക്കുന്ന എല്ലാ തിന്മയും ഞാൻ തിരിച്ചറിയട്ടെ. അപ്രകാരം വിശുദ്ധവാരത്തിനായി ഞാൻ സ്വയം ഒരുങ്ങിക്കൊണ്ട്, അങ്ങനെ ഞാനത് നോമ്പുകാലത്ത് പിഴുതെറിയുകയും നിഷ്കാസനം ചെയ്യുകയും ചെയ്യട്ടെ!

138. യേശുവിലെ മനുഷ്യന്റെ മരണത്തിന്റെയും ജീവന്റെയും സംസ്കാരത്തിന്റെയും ഉത്ഥാനത്തിന്റെയും രഹസ്യത്തിൽ, അവിടുത്തെ ബലിയിലും കൂദാശയിലും യേശുവുമായുള്ള ഐക്യത്തിന്റെ കൂടുതൽ സമുന്നതമായ കൃപകൾക്കുവേണ്ടിയുള്ള വിശുദ്ധവാരം.

139. മികച്ചതിനായുള്ള എന്റെ മാറ്റങ്ങൾ അത്യഗാധവും എന്റെ മുന്നേറ്റങ്ങൾ ഏറെ സമുന്നതവുമായിരിക്കട്ടെ. അപ്രകാരം അവ അഗ്നിയാലും പരിശുദ്ധാത്മാവിലുമുള്ള മാമ്മോദീസയിലേയ്ക്ക് എന്നെ നയിക്കുന്ന യഥാർത്ഥ ഉത്ഥാനങ്ങളും സ്വർഗ്ഗാരോഹണങ്ങളുമായിത്തീരട്ടെ.

140. ഓ! എന്റെ ആരാധനക്രമവത്സത്തിൽ എത്ര ഔദാര്യപൂർവ്വം ഈ കർമ്മപദ്ധതി പ്രവൃത്തിപഥത്തിലെത്തിക്കാൻ ഞാനാശിക്കുന്നു! ഓ! എന്റെ ആന്തരിക ജീവിതത്തിന്റെ താപസാത്മകമായ ഓരോ ദിവസവും ഈ കർമ്മപദ്ധതി തീക്ഷ്ണതരമായി ജീവിക്കാൻ ഞാനാശിക്കുന്നു!


Comments

Post a Comment

Popular posts from this blog

1 മുഖക്കുറിപ്പ്

Image
വിശുദ്ധ ജസ്റ്റിൻ റുസ്സൊളില്ലോയുടെ സമ്പൂർണ്ണ കൃതികൾ 2004 മുതൽ ഇറ്റാലിയൻ ഭാഷയിലും ഇം​ഗ്ലീഷ് ഭാഷയിലുമായി പ്രസിദ്ധീകരിച്ചുവരുന്ന വി. ജസ്റ്റിൻ റുസ്സൊളില്ലോയുടെ കൃതികളുടെ മലയാളം പരിഭാഷയാണ് ഇവിടെ ചേർത്തിരിക്കുന്നത്. ഇറ്റാലിയൻ ഭാഷയിൽ Opera Omnia എന്നും ഇം​ഗ്ലീഷ് വിവർത്തനത്തിൽ Works എന്നുമാണ് ഈ സമാഹാരത്തിന്റെ പേര്. ഇരുപതു വർഷങ്ങൾക്കിപ്പുറം പല വാല്യങ്ങളായി ഇതിനകം 28 ​ഗ്രന്ഥങ്ങൾ പ്രസിദ്ധീകൃതമായിട്ടുണ്ട്. 2025-ൽ പ്രസിദ്ധീകൃതമായ ഇരുപത്തിയെട്ടാം വാല്യമാണ് ഈ ശ്രേണിയിൽ അവസാനത്തേത്. ഈ സദുദ്യമം ഏറ്റെടുത്ത് വിശ്വസ്തതാപൂർവ്വം ഇക്കാലമത്രയും അശ്രാന്തപരിശ്രമം നടത്തിവരുന്ന ആരാധ്യനായ ഫാ. ലൂയിസ് കപ്പൂത്തോയെ കൃതജ്ഞതാപൂർവ്വം ഇത്തരുണത്തിൽ അനുസ്മരിക്കുന്നു. ഈ ശ്രേണിയിലുള്ള ​ഗ്രന്ഥങ്ങളുടെ പേരുകൾ ചുവടെ ചേർത്തിരിക്കുന്നു: 1. ആരോഹണം (Ascension) 2. പ്രാർത്ഥനാരൂപി (Spirit of Prayer) 3. നമുക്ക് മനുഷ്യനെ സൃഷ്ടിക്കാം - ഭാ​ഗം 1 (Let Us Make Man - Part I) 4. നമുക്ക് മനുഷ്യനെ സൃഷ്ടിക്കാം - ഭാ​ഗം 2 (Let Us Make Man - Part II) 5. മാനസിക പ്രാർത്ഥനയ്ക്ക് (For Mental Prayer) 6. വ‍ചന ശുശ്രൂഷ (Ministry of the Word) 7. പ്രഭാഷണങ്ങൾ (Le...
Read more

ഭാ​ഗം 1: ആരോഹണം (011)

4. ഉന്നതത്തിൽ നിന്നുള്ള സഹായം 31. ദൈവമാതാവായ പരിശുദ്ധ കന്യകാമറിയത്തിന്റെ സ്വർഗ്ഗീയ സംരക്ഷണത്തിനും മാതൃസഹജമായ കരുതലിനും വി. യൗസേപ്പിനും ഞാൻ പൂർണ്ണമായി ഭരമേല്പിക്കപ്പെടും. ഞാൻ അംഗമാകാൻ ആഗ്രഹിക്കുന്ന കുടുംബവും ഞാൻ പ്രവേശിക്കാനാഗ്രഹിക്കുന്ന രാജ്യവും അവരുടേതാണ്. എന്റെ ആന്തരിക ജീവിതത്തിൽ, ദൈവസിംഹാസനത്തിങ്കൽ ശുശ്രൂഷ ചെയ്യുന്ന ഏഴ് മാലാഖമാരുമായി ഞാൻ പ്രത്യേകമാംവിധം സ്വയം എെക്യപ്പെടുത്തും. 32. ദൈവസ്നേഹത്തിന്റെ മാതാവായ പരിശുദ്ധ കന്യകയെ, വി. ലൂയി മറി ദെ മോൺഫോർട്ടിന്റെ ഭക്തിയോടുകൂടെ, "ദൈവവിളികളുടെ നാഥ'', സകല കൃപാവരങ്ങളുടെയും മദ്ധ്യസ്ഥ, സകല വിശുദ്ധരുടെയും രാജ്ഞി, എന്ന സംജ്ഞയോടുകൂടെ, അവളോടുള്ള സ്വകാര്യമായ എല്ലാ ഭക്തകൃത്യങ്ങളിലും എല്ലായ്പ്പോഴും അഭേദ്യമായി വി. യൗസേപ്പിനെ സംയോജിപ്പിച്ചുകൊണ്ട്, ഞാൻ വണങ്ങും. 33. എന്റെ മദ്ധ്യസ്ഥ വിശുദ്ധർക്കു പുറമെ, എന്റെ സ്വകാര്യ ഭക്തകൃത്യങ്ങളിൽ, വ്യത്യസ്ഥ വിഭാഗങ്ങളിൽപ്പെടുന്ന വിജയസഭയിലെ എല്ലാ വിശുദ്ധരെയും, സവിശേഷമായി പരിശുദ്ധ പ്രവാചകന്മാർ, അപ്പസ്തോലന്മാർ, സഭാപിതാക്കന്മാർ, വേദപാരംഗതന്മാർ, പരിശുദ്ധ മാർപ്പാപ്പമാർ, സഭാസ്ഥാപകർ എന്നിവരെ ഞാൻ വണങ്ങും. തിരുസ്...
Read more

ഭാ​ഗം 1: ആരോഹണം (115)

107. പ്രധാന വീഥി 900. ഓരോ വൊക്കേഷനിസ്റ്റിനും, സവിശേഷമായി മോലധികാരികൾക്കും അദ്ധ്യാപകർക്കും മേധാവികൾക്കും, സാർവ്വത്രിക സഭാനിയമം, ആരാധനക്രമം, നമ്മുടെ നിയമാവലി, അനുഷ്ഠാനവിധി തുടങ്ങിയവയുടെ ഓരോ നിയമത്തെക്കുറിച്ചുമുള്ള ആഴമായ ഒരറിവുണ്ടായിരിക്കണം. അവയുടെ വാച്യാർത്ഥവും അതിൽക്കൂടുതലായി അവയുടെ അരൂപിയും അതുപോലെ അവയുടെ ചരിത്രവും മനഃശാസ്ത്രവും നിർവ്വഹണവും ഉൾക്കൊള്ളുന്നതായിരിക്കണം ഈ അറിവ്. 901. അവയെപ്പറ്റി സംസാരിക്കാനുള്ള അവസരങ്ങൾ അവർ കണ്ടെത്തുന്നതും അവയുടെ എണ്ണം വർദ്ധിപ്പിക്കുന്നതും പ്രധാനപ്പെട്ടതും അത്യാവശ്യവുമാണ്. അവർ അവയെക്കുറിച്ചു സംസാരിക്കുമ്പോൾ, വ്യക്തവും സമുന്നതവുമായ ആശയങ്ങളോടും പദങ്ങളോടും കൂടെ, വലിയ സ്നേഹത്തോടും ബഹുമാനത്തോടും കൂടെ, അവരുടെ വലിയ സ്നേഹവും അവ പാലിക്കാനുള്ള നിശ്ചയദാർഢ്യവും വാചികമായി പ്രകടിപ്പിച്ചുകൊണ്ടും, അതുപോലെ അവ പാലിക്കാൻ മറ്റുള്ളവരെ സഹായിച്ചുകൊണ്ടും അപ്രകാരം തീർത്തും പരിശുദ്ധമായ ഒരന്തരീക്ഷം സൃഷ്ടിച്ചുകൊണ്ടും വേണം അപ്രകാരം ചെയ്യാൻ. 902. മേലധികാരി, അദ്ദേഹം പ്രഥമ സ്ഥാനീയനായിരുന്നാലും ഏറ്റം എളിയവനായിരുന്നാലും, പരിശുദ്ധ പിതാവായിരുന്നാലും ഏറ്റം ചെറിയ പള്ളിയുടെ വികാരി...
Read more